Павлодарда ЖКО салдарынан құбыр жарылды
Үйлердің бірінде қысым төмендетілді, деп хабарлайды @Pavlodarnews.kz.
Куәгерлер Назарбаев даңғылында су басқан аймақты түсіріп алды. Видео авторлары аялдаманың жанында құбыр жарылғанын жазған. Оған жол апаты себеп болған.
– 22 желтоқсан күні сағат 22:30-да ЖКО орын алып, Назарбаев даңғылы бойында сумен жабдықтаудың айналма құбыры бұзылды, – деп хабарлады қала әкімдігінде.
Назарбаев даңғылы, 20/1 мекенжайындағы бір үйде қысым төмендеді. Коммуналдық қызметтер учаскедегі суды сорып, қалпына келтіруде.
Облыстық полиция департаментінде «NISSAN Cefiro» маркалы автокөліктің жүргізушісі Назарбаев даңғылымен жүріп келе жатып, рөлді басқара алмай құбырға соғылғанын хабарлады. Аталған факті бойынша полицияға ТКШ-дан келтірілген залал туралы өтініш түспеген.
