Бұл туралы Хасар Хабылбеков өзінің «Instagram» парақшасында баяндады, деп хабарлайды @Pavlodarnews.kz тілшісі.

Облыс орталығында көппәтерлі тұрғын үйлердің қасбетін бояу жұмыстары жалғасуда.

– Биыл Лермонтов көшесін реновациялау аясында Луговой көшесінен Бұқар жырау көшесіне дейін 19 үй боялды. Содай-ақ, Олжабай батыр, 7/1, Баян батыр, 8 және 10, Торайғыров, 77 және Мәшһүр Жүсіп, 1 мекенжайлары бойынша жұмыстар аяқталды, – деп жазды Хасар Хабылбеков.

Сонымен қатар, әкім келесі жылы Лермонтов көшесінің Бұқар жырау көшесінен Сұрағановқа дейінгі бөлігінде 14 үй, Торайғыров көшесінің Баян батыр көшесінен Назарбаев даңғылына дейінгі бөлігінде 17 үйдің қасбеті боялатынын айтты.

– Әлеуметтік жауапкершілік аясында мердігер ұйым Павлодардың нышандарының бірі – бас сағат орналасқан «Қазпошта» АҚ ғимаратының қасбетін сырлау бойынша жұмыстарға кірісті, – деді қала басшысы.

Ол барлық жұмыстарды мерзімінде аяқтай отырып, жұмыстың жоғары сапасын қамтамасыз етуді тапсырды.