Облыста «Әйелдер мен балаларға қатысты зорлық-зомбылыққа қарсы 16 белсенді акция» шарасы өтуде, деп хабарлайды @Pavlodarnews.kz тілшісі.

Оқушылар сарайында «Әйелдер мен балаларға қатысты зорлық-зомбылыққа қарсы 16 белсенді акция» республикалық акциясы аясында «Зорлық-зомбылықсыз үй» диалог алаңы ұйымдастырылды. Осы санаттағы азаматтардың құқықтарын қорғау саласының мамандары сөз сөйледі.

Кәмелетке толмағандар істері жөніндегі ауданаралық сотының төрағасы Серік Марданов атап өткендей, Мемлекет басшысының бастамасымен елімізде осыған байланысты заңнама қатайтылып, кейбір құқық бұзушылық түрлері қылмыстық жауапкершілікке көшірілуде. Атап айтқанда, буллинг үшін жауапкершілік белгіленді, бұл құбылысқа нақты анықтама берілді.

Өз кезегінде Павлодар қалалық ІІД өкілі Бақытжан Тұрсалиева әйелдер мен балалардың құқықтарын қорғау бойынша өткен жылдағы жұмыстардың қорытындысын атап өтті. Мәселен, жыл басынан бері 3400-ден астам адам әкімшілік құқық бұзушылық жасағаны үшін әкімшілік жауапкершілікке тартылып, 56 отбасылық басқыншы жауапкершілікке тартылды, 13 әйел оңалтудан өтіп, отбасына оралды.

Өз кезегінде педагог-психолог Ирина Карпова жиналғандарға тұрмыстық зорлық-зомбылықтың әртүрлі түрлері туралы айтып берді. Оның пікірінше, мұндай қысымның төрт негізгі түрі бар: физикалық, психологиялық, жыныстық және экономикалық. Қоғам зорлық-зомбылықтың алғашқы үш түрін жақсы білсе, экономикалық қысым туралы ақпарат көп емес.

- Бұл – күйеуі әйеліне ақша беруден бас тартқанда, әйелінің ақша жұмсауын қатаң бақылағанда немесе оған жұмыс істеп, ақша табуға тыйым салғанда болады, - деп түсіндіреді психолог. – Көбінесе бұл қорлық қаржылық жағынан тәуелді және өзін еркін сезінбейтін әйелдер мен егде жастағы адамдарға қатысты жүреді.

Ирина Карпованың айтуынша, отбасындағы зорлық-зомбылық ешқашан бір ғана түрмен шектелмейді: әдетте, біреуі екіншісіне ілеседі немесе өзара тоғысады.

Ата-анасынан тікелей қысым көрмеген балалар да ерлі-зайыптылар арасындағы кикілжіңге ұшырайды. Мұндай балалардың мінез-құлқы өзгереді, олар мазасыз, агрессивті, депрессияға түседі. Тәжірибелі мұғалім мұны әрқашан анықтап, көмектесуге тырысады.

Маманның айтуынша, отбасындағы зорлық-зомбылықты халықтың мұндай мәселелерге қатысты сауаттылығын арттыру, қорқыту құрбандарына көмек көрсету және агрессорлардың өздерін оңалту, сондай-ақ оларға дұрыс психологиялық әсер ету арқылы жеңуге болады.