Өтінішті электрондық үкімет порталы арқылы eGov сайтында беруге болады, деп хабарлайды @Pavlodarnews.kz тілшісі.

Қалалық білім беру бөлімі баспасөз қызметінің мәліметінше, қабылдау 1 сәуірден 31 тамызға дейін жалғасады.

– Бірінші сыныпқа 6 жасқа толған және осы күнтізбелік жылы 6 жасқа толатын балалар қабылданады. Барлық балалардың мектептер қызмет көрсететін аумақтар бойынша оқуға қол жеткізуі қамтамасыз етіледі, дайындық деңгейіне қарамастан. Мектептің қызмет көрсету аумағында тұратын балаларға басымдық беріледі, – деді ведомствода.

Сонымен қатар, ата-аналар баланы басқа микроауданға жатпайтын мектепке де тіркей алады. Бұл жағдайда қабылдау «үшке бір» қағидаты бойынша жүргізіледі. Яғни, мектеп өз микроауданынан үш баланы, ал басқа мектептің қызмет көрсету аумағынан бір баланы қабылдайды.

Қажетті құжаттар тізімі:

1. Баланың денсаулық паспорты (052-2/у нысаны);
2. Екпе паспорты (065/у нысаны);
3. 3х4 өлшеміндегі сандық фотосурет.

Барлық сұрақтар бойынша +7(7182)30-14-91 нөміріне хабарласуға болады.

Қазақстан Республикасының азаматтығы жоқ балаларды бірінші сыныпқа қабылдау үшін Павлодар қаласының білім бөліміне жолдама алу қажет.