Павлодарда қауіпсіздік трамвайы жолға шықты
Вагонның сыртында өрт қауіпсіздігі ережелері жазылған, деп хабарлайды @Pavlodarnews.kz тілшісі.
Облыстық ТЖД баспасөз қызметінің мәліметінше, қауіпсіздік трамвайында шұғыл қызметтердің телефондары көрсетілген, ал ішінде арнайы жадынамалар мен нұсқаулықтар орналастырылған.
– Трамвайлар қала тұрғындарының сүйікті қоғамдық көлік түрлерінің бірі болып табылады. Күніне мыңнан астам адамды облыс орталығының басты көшелерімен тасымалдайды. Қала бойынша жүретін қауіпсіздік трамвайы азаматтарды күнделікті өмірде өрт қауіпсіздігі нормаларын сақтаудың маңыздылығы туралы хабардар етеді. Әрбір сапар – діттеген жерге жету ғана емес, сонымен қатар пайдалы ақпарат алу мүмкіндігі, – дейді департаментте.
Трамвай базасында өткізілетін тұрақты акциялар мен іс-шаралардың арқасында тұрғындар профилактикалық сипаттағы ақпаратты, ТЖД қызметкерлерінен түсініктеме алады. Бұл жалпы қауіпсіздікті арттыруға ықпал етеді.
