Оларды 21 наурызды орната бастайды, деп хабарлайды @Pavlodarnews.kz.

Бұл туралы Өңірлік коммуникациялар қызметінде өткен баспасөз конференциясында облыстық мәдениет, тілдерді дамыту және архив ісі басқармасының басшысы Медет Тауасқан мәлім етті. 

– 22 наурызда мерекелік атмосфера жасау үшін бұқаралық іс-шаралар мен халықтық мерекелер өтеді. Барлық жерде стильді этноауылдар мен мерекелік жәрмеңкелер өз жұмысын бастайды, – деді Медет Тауасқан.

Ал 21 наурызда сағат 11:00-ден 13:00-ге дейін қаланың шағын аудандары мен ауылдық аймақтарда ұлттық стильдегі көрме киіз үйлері орнатылады. Төменгі шағын аудан мен мекенжайлар бойынша бір-бір киіз үйден тігіледі: 

• «Бірлік» ауылы – Усолка шағын ауданы;
• «Татулық» ауылы – Ә.Марғұлан атындағы педагогикалық университет;
• «Думан» ауылы – Торайғыров университеті; 
• «Шаттық» ауылы – Инновациялық Еуразия университеті; 
• «Ынтымақ» ауылы –  Екінші Павлодар, Литвинов көшесіндегі сквер;
• «Жұрағат» ауылы – Толстой көшесі, 82;
• «Ырыс» ауылы – Орталық мәдениет және демалыс саябағы;
• «Көктем» ауылы – Жастар бастамаларын дамыту орталығы;
• «Қуаныш» ауылы – Гагарин саябағы;
• «Мереке» ауылы – Сұрағанов көшесі, 3;
• «Табыс» ауылы – Қамзин көшесі, 67/1 мекенжайы;
• «Молшылық» ауылы – Жаңаауыл шағын ауданы; 
• «Бақыт» ауылы –  Теміржолшылар шағын ауданы;
• «Жайлау» ауылы – Торговая көшесі, 2а мекенжайындағы «Jailau» базары;

Сондай-ақ, Павлодар, Жетекші, Мойылды, Кенжекөл, Атамекен ауылдары аумағында киіз үйлер орнатылады.

Айта кетейік, Наурызды мерекелеу кезінде коммуналдық, жедел жәрдем, өрт және полиция қызметтері күшейтілген режимде жұмыс істейді.