Бұл туралы Павлодар облысы әкімінің баспасөз қызметі мәлім етті, деп хабарлайды @Pavlodarnews.kz.

8 қараша күні таңертең Павлодар қаласындағы жекеменшік мектептің құрылыс алаңында еден плитасының құлауы орын алған жерде жүргізілген іздестіру жұмыстары аяқталды.

Кинологиялық есептер мен тепловизорды қолдану арқылы құтқарушылар плитаның құлау салдарынан жоғалған ер адамның орнын анықтады.

Өкінішке қарай, ер адамды аман алып қалу мүмкін болмады - құтқарушылар оның денесін үйінді астынан тауып, алып шықты.

Мемлекеттік органдар тарапынан марқұмның отбасына жан-жақты қолдау мен қажетті көмек көрсетілетін болады. Сондай-ақ Павлодар қаласының әкімдігі марқұмның отбасына құрылыс нысанында жұмыс жүргізген мердігер ұйым мен тапсырыс беруші - жеке кәсіпкер тарапынан көмек көрсетілуін бақылауға алады.