Тұрғын үйлерге ыстық су анықталған зақымдардың санына байланысты беріледі, деп хабарлайды @Pavlodarnews.kz тілшісі.

«ПАВЛОДАРЭНЕРГО» АҚ  баспасөз қызметінің мәліметінше, 5-27 тамыз аралығында «Қазақстан алюминийі» АҚ ЖЭО-1 күзгі-қысқы кезеңге дайындық шеңберінде жөндеу жұмыстарын жүргізу үшін  жабдықтардың жұмысын тоқтатады. Осыған байланысты оңтүстік желілік аудан бойынша үйлерде ыстық сумен жабдықтау тоқтатылады. 

Сондай-ақ 7-11 тамыз аралығында ЖЭО-2 және ЖЭО-3-тен қоректенетін желілерге гидравликалық сынақтар жүргізуге байланысты солтүстік желілік аудан бойынша үйлерде ыстық су өшіріледі. 

– Зақымдануды жою кестесі гидравликалық сынақтар жүргізілгеннен кейін жарияланады, – деп жазылған хабарламада. 

Кәсіпорында жоғарыда аталған кезеңде жылу желілері өтетін жерлерде сақ болуға кеңес береді. 

Барлық анықталған ескертулер мен бұзушылықтар бойынша 57-07-51 («Павлодар жылу желілері» ЖШС диспетчерлік қызметі), 63-01-13 (пайдалану ауданы) телефон нөмірлері бойынша хабарласуға болады.