Өңір қоржынына 9 медаль түсті, деп хабарлайды @Pavlodarnews.kz тілшісі.

Бес күндік ашық республикалық турнирде Қазақстанның түкпір-түкпірінен «Қайсар» спорт кешенінің жүлдесіне 400 жас жігіттердің арасында нағыз спорттық шайқас басталды.

– Бұл күндері рингте қатысушылар арасында жарқын эмоциялар, күшті соққылар мен спорттық ерік-жігерді байқалды. Павлодар қаласы білім беру бөлімі «Жігер» балалар-жасөспірімдер клубының 9 тәрбиеленушісінен тұратын боксшылар командасы өзінің шеберлігін, табандылығы мен жеңіске деген ерік-жігерін тағы да растады. Жас боксшылар рингте мықты техникаларымен және қайсар мінездерімен жарқырады, – деді облыстық білім беру басқармасының баспасөз орталығы.

Турнир қорытындысы бойынша жігерліктердің қоржыны 3 алтын, 2 күміс, 4 қола медальмен толықтырылды. Турнирдің чемпиондары 12 жасар Сұлтан Баймұрат мен Әли Құрбанов, кіші жас санатында 8 жасар Әбілмансұр Берік болды.

Күміс медаль иегерлері 11 жасар Әділхан Мангуров мен Айтуған Молдабаев болды. Тұғырдың үшінші сатысына 12 жасар Нұртай Ертай, Дидар Мағзұмов, Азамат Оразбай және 8 жасар Айсұлтан Камал көтерілді.