Балалардың қолымен 50-ге жуық құрылым жасалды, деп хабарлайды  @Pavlodarnews.kz тілшісі.

Қалалық білім беру бөлімінің мәліметінше, елорда күніне орай оқушылар еліміздің бас қаласының кішірейтілген көшірмесін жасады. Жалпы архитектуралық ансамбльге 50-ге жуық құрылым кірді. Бұл жұмыстар былғары мен мақтадан, пластиктен және қағаздан жасалған. 

Жас өрендер ең маңызды символдар мен көрікті жерлерді таңдап алған: Бәйтерек, Бейбітшілік және келісім сарайы, Ақ Орда. 

– Мен Астана қаласында жиі боламын. Маған бұл қала ұнайды, қаланың барлық сәулеті өте әдемі, заманауи үлгіде салынған. Бүгін елордамыздағы экспонаттардың барлығын көрдім, – дейді оқушы Богдан Захаров. 

Айта кету керек, жас қолөнершілерге импровизацияланған материалдарды қолдану арқылы мұндай сұлулықты жинау үшін бір аптадан астам уақыт қажет болды.