Тұрғындардың өз сайлау учаскесінің мекенжайын білудің бірнеше қарапайым тәсілі бар, деп хабарлайды @Pavlodarnews.kz.

1. Call-орталық арқылы

Павлодар облысының барлық қалалары мен аудандарында Call-орталықтар жұмыс істейді.  

Операторға қоңырау шалып немесе WhatsApp арқылы өз деректеріңізді жіберіп, учаскеңіздің нөмірі мен мекенжайын нақтылай аласыз.  

Call-орталықтардың телефон нөмірлері облыс, қала және аудан әкімдіктерінің ресми сайттарында, сондай-ақ аумақтық сайлау комиссияларының әлеуметтік желілердегі парақшаларында жарияланған.

Жұмыс уақыты: күн сайын сағат 09:00-ден 18:30-ға дейін

2. Telegram-бот арқылы

«Сайлау учаскесін іздеу қызметі» Telegram-ботына өтіп, ЖСН нөміріңізді енгізу жеткілікті.  

Бот сізге автоматты түрде учаске нөмірі мен орналасқан жерін көрсетеді.

3. Онлайн сервис арқылы

«Өз сайлау учаскеңізді табыңыз» қызметі мына сайттарда қолжетімді:

- Павлодар облысының әкімдігінің ресми сайты

- Қалалар мен аудандар әкімдіктерінің интернет-ресурстары

 Жай ғана ЖСН енгізіп, нәтижені бірден алуға болпды.