Павлодардағы Бұқар жырау музейі мәнерлеп оқу байқауын жариялады
Қалалық байқау жыршы, «Көмекей әулие» атанған Бұқар жыраудың 355 жылдығына арналады, деп хабарлайды @Pavlodarnews.kz тілшісі.
Байқауға мемлекеттік тілде білім алатын мектептердің 10-11 сынып оқушылары, колледждер мен ЖОО студенттері қатыса алады.
Байқау 2 бөлімнен тұрады:
- Бұқар жырау шығармаларын (білім, туған жер, бірлік, өнер және имандылық тақырыптарына өрілген поэзиялық шығармасының - біреуін) жатқа мәнерлеп оқу.
- Бұқар жыраудың тұлғалық бейнесін көрсететін аңыз – әңгімелер мен көркемдік шығармалардан (проза) үзіндіні көркем шеберлікпен жатқа орындау.
Байқау жеңімпаздары дипломдармен және бағалы сыйлықтармен марапатталады.
Іріктеу бөлімі 2023 жылғы наурыз айының 14-і күні өтеді. Қорытынды кеші қосымша хабарланады.
Байқауға қатысу туралы өтініш пен үміткер жөніндегі мәліметтерді 2023 жылғы наурыз айының 10-на дейін міндетті түрде мына мекенжайға әкеліп тапсыру керек: Павлодар қаласы, Бұқар жырау атындағы әдебиет және өнер музейі, ак.Марғұлан көшесі 97 үй.
тел: 32-32-88. 87773965982 немесе zhanara348@gmail.com электронды почта арқылы жіберуге болады.
