Оларға шұғыл медициналық көмек көрсету қажеттілігі болды, деп хабарлайды @Pavlodarnews.kz тілшісі.

Төтенше жағдайлар министрлігінің баспасөз қызметінің мәліметінше, бірнеше сағат бұрын «ҚазАвиаҚұтқару» тікұшағының экипажы Шарбақтыдан облыс орталығына жаңа туған егіз сәбилерді шұғыл түрде жеткізді. Ұшақ бортында сәбилерге санитарлық авиацияның мамандандырылған дәрігерлер бригадасы ілесіп отырды.

Сәбилер түнде дүниеге келіп, жоғары білікті мамандардың көмегін қажет еткен. Ұшу барысында ешқандай қиындықтар тіркелмеді. Бұл ұшқыштардың жоғары кәсібилігі мен медициналық қызметкерлердің үйлесімді жұмысының арқасында мүмкін болды.

Қазіргі уақытта жаңа туған нәрестелер медициналық орталықта жатыр. Олардың жағдайын дәрігерлер тәулік бойы бақылауда ұстап отыр.

Жас пациенттерді сәтті әрі жедел жеткізу барлық қызметтердің үйлесімді іс-қимылының нәтижесі болып, тасымалдаудың қауіпсіздігін толық қамтамасыз етті.