Елорда күніне байланысты 6 шілде күні халыққа қызмет көрсету орталықтары жұмыс істемейді, деп хабарлайды  @Pavlodarnews.kz тілшісі.

«Азаматтарға арналған үкімет» МК Павлодар облысы бойынша филиалының мәліметінше, дүйсенбі күні яғни,  8 шілдеде азаматтарды тек кезекші ХҚКО-лар мен МХҚКО-лар сағат 9:00-ден 13:00-ге дейін қабылдайды.

– 9 шілдеден бастап барлық халыққа қызмет көрсету орталықтары әдеттегі кестеге сай жұмыс істейтін болады, – деп жазылған хабарламада. 

Еске сала кетейік, орталықтар азаматтарды жұмыс күндері сағат 9:00-ден 18:00-ге дейін қабылдайды. Кезекші ХҚКО дүйсенбіден жұмаға дейін 9:00-ден 20:00 аралығында және сенбі күні 9:00-ден 13:00-ге дейін жұмыс істейді.

Кезекші мамандандырылған ХҚКО-лар жұмыс күндері сағат 9:00-ден 18:00-ге аралығында, сенбі күні 13:00-ге дейін қызмет көрсетеді. 

Сонымен қатар, орталықтарға кезекті «ХҚКО» және «eGov mobile» қосымшалары, egovkzbot2.0 телеграм-боты, 1414 нөмірі арқылы брондауға болатынын ескере кетейік.