Әлеуметтік байқаудың қатысушыларына бес миллион теңгеге дейінгі қаражат бұйыру мүмкін, деп хабарлайды @Pavlodarnews.kz тілшісі.

Байқауды облыстық кәсіпкерлік және индустриялық-инновациялық даму басқармасы ұйымдастыруда.

– Мемлекеттік гранттар «Бір ауыл – бір өнім» бағдарламасының финалистері болып табылатын әлеуметтік кәсіпкерлік субъектілеріне, шағын және орта кәсіпкерлік субъектілеріне мемлекеттік қолдау шаралары шеңберінде ұсынылады. Байқау жеңімпаздары өтеусіз негізде бес миллион теңгеге дейін ұта алады, – деді ведомствода.

Ашық байқауға қатысу үшін үміткерлер 15-17 қазан аралығында сағат 9:00-ден 18:30-ға дейін субсидиялаудың ақпараттық жүйесінің веб-порталы KEZEKTE.KZ бойынша бекітілген нысан бойынша электрондық өтінімді және конкурстық құжаттаманың толық пакетін ұсынуы тиіс.

Толық ақпаратты өңірлік үйлестірушінің ресми сайтынан алуға болады.

Байланыс телефоны: +7(7182)32-33-82.