Оқушы сабақ үстінде ерсі қылық көрсеткен, деп хабарлайды @Pavlodarnews.kz.

Қалалық білім беру бөлімінің мәліметінше, Мақпалеев атындағы мектептің 8-сынып оқушысы сыныптастарымен бәс тігіп, физика сабағы кезінде орындыққа тұрып, Tik Tok-та тренд болған «Oi oi oi baka» дыбысын қайталап, айқайлады. 

– Оқушы мұғалімнің ескертулеріне жауап бермеді. Физика мұғалімі оқушыға күш қолданды. Аталмыш факті бойынша қызметтік тергеу жүргізілді, – деп хабарлады білім беру бөлімінде. 

Мектеп әкімшілігі ата-аналармен кездесу өткізіп, оқушымен әңгімелесті. Ана мен баланың тарапынан шағымдар болған жоқ. Мұғаліммен келісімшарт бұзылды. Физика мұғалімі Мақпалеев атындағы мектепте 1 қыркүйектен бастап жұмыс істеген.

Айта кетейік, 2016 жылы «Моя геройская академия» атты аниме-сериал шыққан болатын. Жуырда Tik Tok-та сериалдың кейіпкері Бакуго Кацуки бөлімдердің бірінде «Oi oi oi baka» деп айтқан сөздерден тренд жасалып, Америка, Испания және басқа да шетел елдердің мектептерінде таралды. «Baka» сөзі жапон тілінен ақымақ деп аударылады.

Посмотреть эту публикацию в Instagram

Публикация от EGOV.PRESS (@egovpress)