Автобустар партиясы облыс орталығына жетті, деп хабарлайды @Pavlodarnews.kz тілшісі.

Жаңа көлік №126 және 115 бағыттар бойынша қатынайтын болады. Бұған дейін оларға шағын санатты автобустар қатынайтын.

№1 автобаза автоколоннасының бастығы Әнуар Нұрановтың айтуынша, 30 жайлы көлік механикалық пандустармен, қуаттағыштармен, кондиционермен және жылытумен жабдықталған.

– Орта класты автобустар: 25 орындық және 31 тұрақты орындық. Жұмыс күндері №115 бағыт бойынша 12, демалыс күндері 10 көлікті, сондай-ақ №126 бағыт бойынша жұмыс күндері 16, демалыс күндерін 14 көлік жіберуді жоспарлап отырмыз, – деп түсіндірді әңгімелесуші.

Оның айтуынша, олар автопаркты толығымен жаңартуды жоспарлап отыр.

Автобустардың тұсаукесеріне қатысқан облыс әкімі Асайын Байханов тасымалдаушы «Таксомотор» ЖШС жаздың соңына дейін екі бағыттағы көліктерді ауыстыратынын атап өтті. «Автокомбинат» паркінің жаңаруын күту ғана қалды.

– Павлодарлықтар заманауи қоғамдық көлікпен жүруі керек, – деді аймақ басшысы.

Облыс әкімі қалада ескірген үлгідегі 70-ке жуық трамвай бар екенін айтты. Оларды екі жыл ішінде ауыстыруды жоспарлап отыр. Биыл 25 вагон келеді.