Оқиға желісі Қырғызстанда өтеді, деп хабарлайды @Pavlodarnews.kz тілшісі.

Truwer деген атпен белгілі павлодарлық рэпер Саян Жимбаевтің «Весь в отца» және «Отеки» әндері Қазақстан мен Қырғызстан бірлесе түсірген «Приговор» фильмінің басты тректері болып бекітілді. Оқиға желісі Ыстық көл жағасында өрбиді, картина режиссері Диас Бертіс.

Сценарий бойынша Ақтаң есімді мектеп оқушысы сот төрелігінің әділетсіздігіне тап болады. Жергілікті депутат Алан атты баласын қорғаштап бағады. Ақтаң заң бойынша әділетке жете алмаған соң, қолына қару алады да сот ғимаратын басып алады. 

Truwer Павлодарда туған. Музыкант жапон мәдениетін бұрыннан таныс. Музыкадан бөлек, ол кекушинкай-каратэмен айналысқан. Тіпті бірнеше дүркін Қазақстан чемпионы атанған. Алайда турнирлердің бірінде Саян Жимбаев жарақат алып, спортпен қош айтысқан.

Кейін ол Әділ Жалеловпен (Скриптонит) танысып, бұл таныстық оның тағдырына ерекше әсер етіп, Саян Жимбаев музыка әлемін негізгі кәсібі ретінде таңдайды. 

Жазда Truwer Павлодардың Орталық стадионында «Ақсу» мен «Ақтөбе» арасындағы футболдан Қазақстан Премьер-лигасының матчы алдында концерт қойды.