Торайғыров университеті студенттерінен құрылған «ToU Band» тобы аға буын әріптестерінің алдында ән орындады, деп хабарлайды @Pavlodarnews.kz тілшісі.

ЖОО баспасөз қызметінің мәліметінше, аты аңызға айналған ансамбль әртістері университетте қонақта болды.

Студенттермен кездесу барысында белгілі өнер иелерімен  еркін диалог форматында әңгімелесіп, жас өнерпаздар  көкейтесті сауалдарға жауап алуға мүмкіндік алды. 

– «Дос-Мұқасан» әрдайым қазақ тілінде ән шырқайтын. Сондықтан да  аға буын өкілдерінің ізін басып, шығармашылығын насихаттап жүрген біздің шығармашылығымыз да жерлестердің жадында қалады деген үміттеміз, – деді ансамбльдің көркемдік жетекшісі Мұрат Құсайынов. – Тіпті, шетелде де қазақ тілінде өнер көрсетеміз. Осылайша біз ана тілімізді танымал етеміз.  

 «ToU Band» студенттік  тобы аға буын әріптестерінің алдында бірнеше ән орындады. Оның ішінде екі композиция «Дос-Мұқасанның» репертуарынан алынды.

Әртістер кездесу барысында ансамбльдің құрметіне ашылған мұражайда    ұжымның орындауындағы фотосуреттер, сондай-ақ оның мүшелерінің музыкалық аспаптары мен концерттік костюмдері ұсынылған. 

Аталмыш экспозицияға биыл 15 жыл толады.