Олар бұл спортпен 10 жыл айналысып келеді, деп хабарлайды @Pavlodarnews.kz.

Ә.Марғұлан атындағы Павлодар педагогикалық университетінің бірініші курс студенттері Рафаэль Чичоян мен Алина Самбуева Минск қаласында өткен ITF таэквондодан әлем кубогының чемпионы атағына ие болды.

Екібастұз қаласының «Shakil Team» спорт клубының тәрбиеленушілері Рафаэль мен Алинаны облыстық ITF таэквондо федерациясының президенті, халықаралық нұсқаушы, VI дан иегері, Марғұлан университетінің түлегі Азамат Шакилов дайындады.

– Алдағы жыл жарыстар мен оқу-жаттығу жиындарына толы болмақ. Біздің жоспарымыз – 2024 жылы өтетін Қазақстан чемпионатына, Еуропа чемпионатына және әлем чемпионатына дайындалып, қатысу,– деді Азамат Шакилов.

Спортшылар бірнеше жылдан бері ірі жарыстарда ел намысын қорғап жүр. Бүгінде олар ҚР ұлттық құрамасының мүшелері. Рафаэль 2023 жылғы әлем чемпионатының күміс жүлдегері, 2021 жылғы әлем чемпионатының чемпионы, 2023 жылғы Азия чемпионатының қола жүлдегері, 2022, 2023 жылдары Қазақстан чемпионы атанған.

Алина таеквондомен сегіз жасынан бастап айналысып жүр. Осыған дейін көптеген жарыстарды бағындырып үлгерген. 2017 жылы әлем кубогының күміс, 2021 жылғы әлем чемпионатының қола, 2023 жылғы әлем чемпионатының және Азия чемионатының қола жүлде иегері және Қазақстанның екі дүркін чемпионы.