ҚР ІІМ Қарағанды академиясының базасында Қазақстан тергеушілері арасында байқау өтті, деп хабарлайды @Pavlodarnews.kz тілшісі.

Павлодар облыстық полиция департаментінде мұндай байқаулар тергеу бөлімшелерінің ең талантты және кәсіби  қызметкерлерін анықтауға арналған құқық қорғау жүйесіндегі маңызды іс-шара екенін атап өтті.

– Бұл қызметкерлерді өз дағдыларын одан әрі дамытуға және жетілдіруге ынталандыру арқылы тергеуші мамандығының беделін арттыруға мүмкіндік береді, – деді департаментте. 

«Үздік тергеуші» республикалық байқауына Павлодар қаласының Орталық ПБ аға тергеушісі Полина Педченко қатысты. Оны Қазақстан Республикасы Ішкі істер министрінің атынан белсенді қатысқаны үшін Алғыс хатпен марапаттады.

–  Бұл байқау  –  жай ғана жарыс емес, кәсіби өсу, білім алмасу және қылмыстарды тергеу сапасын арттыру мүмкіндігі. Ол тергеу қызметінің маңыздылығын атап көрсетеді және қызметкерлерді өз кәсібіндегі жаңа биіктерге ұмтылуға ынталандырады. Мұндай іс-шараларды өткізу құқық қорғау органдарының беделін нығайтады және қоғамның тергеу жүйесіне деген сенімін арттыруға ықпал етеді, –  дейді Полина Педченко.

Бала кезінен Полина адамдарға әділеттілікке қол жеткізуге көмектесуге тырысқанын, сондықтан полицияда жұмыс істеуді армандағанын атап өтті. Қазір аға тергеуші мүліктік қылмыстарды тергейді: ұрлық және алаяқтық қылмыстар.