Жоғары оқу орнына ақылы негізде түсу үшін бетпе-бет тілдесу жеткілікті болмақ, деп хабарлайды @Pavlodarnews.kz тілшісі.

Қазақстан Республикасы Қорғаныс министрлігінің әскери бөлімдеріне қызметке қабылдау жалғасуда.

Павлодар облысы төтенше жағдайлар департаменті Қазақстан Республикасы Азаматтық қорғанысының 28237 бөлімінде мерзімді әскери қызметке күзгі шақыру науқанын өткізеді. 18 бен 27 жас аралығындағы қызметке жарамды азаматтарды қабылдайды.

– Сарбаздар мен сержанттар азаматтық қорғаныс органдарына жұмысқа орналаса алады. Сонымен қатар, әңгімелесу нәтижесі бойынша жоғары оқу орындарына ҰБТ-сыз ақылы негізде түсуге болады, – деп хабарлады ведомствода.

Жауынгер-құтқарушыларды оқыту үшін бөлімдерде заманауи материалдық және техникалық базамен жарақтандырылған оқу корпустары құрылды. Азаматтық қорғаныс әскери бөлімдері Қорғаныс министрлігінің жедел резерві болып табылады және әртүрлі сипаттағы төтенше жағдайларды жою жөніндегі тапсырмаларды орындау қажет.

Ал 28237 әскери бөлімінде уақытша қызмет өтуге ниет білдіргендер Олжабай батыр көшесі, 14 мекенжайы бойынша Павлодар облысы төтенше жағдайлар департаментіне бара алады немесе азаматтық қорғаныс бөлімінің 8 (7182) 32-23-41 нөміріне хабарласуға болады.