Торайғыров университетінің студенттері өз шығармашылығымен бөліседі, деп хабарлайды @Pavlodarnews.kz тілшісі.

С.Торайғыров атындағы облыстық кітапхананың мәлімдеуінше, 29 ақпан күні сағат 16:00-де «Айна» галереясында Торайғыров университетінің «Сәулет және дизайн» білім беру бағдарламасы студенттерінің жобалары мен оқу жұмыстарының «СтудАрт» атты есептік көрмесі ашылады.

– Жобалар графикалық дизайндағы, кітап дизайнындағы, клаузурадағы, кескіндемедегі, графикадағы шығармашылық студенттік эксперименттер болып табылады, олар жалпы шығармашылық идеямен және өзін-өзі көрсетуге деген ұмтылыспен біріктірілген, – делінген хабарламада. 

Сондай ақ, «Студ-Арт» заманауи өнер, дизайн және сәулет тенденцияларын, студенттердің жеке шығармашылық шешімдерін көрсететін әртүрлі дизайн тәсілдерімен таныстырады. Қонақтар жас талантты дизайнерлердің жаңа шығармашылық идеяларына толы атмосфераны тамашалай алады.

Көрмеге кіру тегін.