40-тан астам кәсіпорын өз тауарларын әкелді, деп хабарлайды  @Pavlodarnews.kz.

Шағын жәрмеңкелер таңертеңгі оннан бастап қаланың сегіз шағын ауданында сайлау учаскелерінің жанында жұмыс істеді. Павлодарлықтар бірден арзан өнімдер сатып алып,  дауыс берді.

– Шағын жәрмеңкелерде делдалдық байланыссыз сауда ұйымдастырылды, – деп атап өтті кәсіпкерлік және ауыл шаруашылығы бөлімінің сектор меңгерушісі Әсел Кенжалина. – Сиыр еті мен жылқы етінің бірнеше ұшасы, төрт тонна көкөніс өнімі, сондай-ақ шұжық өнімдері, сүт және нан-тоқаш өнімдері өндірушілердің бағасымен жеткізілді.

Жәрмеңкеде жылқы етінің келісі – 2300-2500 теңгеден, сиыр еті – 2100-2300 теңгеден, тауық еті – 1100 теңгеден, күріштің келісі – 418 теңгеден, рожки – 338 теңгеден, қарақұмық жармасы – 327 теңгеден, қанттың келісі – 395 теңгеден, картоп – 95-110 теңгеден, сәбіз және қырыққабат – 110 теңгеден,  пияздың келісі – 158 теңгеден,  жұмыртқаның ондығы – 400 теңгеден, күнбағыс майының литрі – 620-дан 720 теңге аралығында сатылды. 

Естеріңізге сала кетейік, ауыл шаруашылығы жәрмеңкелері Павлодардың сегіз шағын ауданында ашылды.

1. Усол шағын ауданы, Майра көшесі, 49/1 - №25 ЖОББМ жанында;

2. Екінші Павлодар, №12 ЖОББМ, Салтыков-Щедрин көшесі, 60;

3. Химқалашығы, №35 ЖОББМ, Айманов көшесі, 37;

4. Саяжай шағын ауданы, №21 ЖОББМ, Қамзин көшесі, 346;

5.   Естай атындағы қалалық мәдениет сарайы, Конституция алаңы, 1;

6. Оқушылар сарайы, Мәшһүр Жүсіп көшесі, 27;

7. Диспетчер шағын ауданы, №4 ЖОББМ, Гагарин көшесі, 58;

8. Вокзал, «Шаңырақ» МҮ, Назарбаев даңғылы, 1.