20 қыркүйекте «Ertis Promenade» сахнасында жазғы маусымның салтанатты жабылуы өтеді, деп хабарлайды @Pavlodarnews.kz тілшісі. 

Павлодар қаласы әкімдігінің сөзінше, кешкі сағат 18:00-де өтетін концертте қазақстандық және шетелдік эстрада жұлдыздары облыс тұрғындары үшін өнер көрсетеді.

– Бұл кеш көрермендерге ерекше көңіл-күй сыйлап, әуен мен жарқын эмоцияға толы болады деп күтілуде. Кеш қонақтары – Turar, R-ONE, VSXV PRINCE, ал арнайы әншілер қатарында ELMAN, MONA, Алексей Чумаков сынды әртістер бар, – деді ұйымдастырушылар. 

Осылайша павлодарлықтар бір сахнада түрлі музыкалық жанрдағы танымал орындаушылардың өнерін тамашалай алады.

Ұйымдастырушылар барлық қала тұрғындарын және қонақтарын достарымен, отбасымен бірге келіп, әуен мен шаттыққа толы ерекше кештің куәсі болуға шақырады.