Облыстық «Өнер додасы» жобасы басталды, деп хабарлайды @Pavlodarnews.kz.

Шығармашылық біріншілік екі жылда бір рет өткізілсе, биыл екінші рет ұйымдастырылып отыр. Оған Павлодар облысының барлық қалалары мен аудандары қатысуда, барлығы 13 өнер ұжымы.

«Шаңырақ» халық шығармашылығы және мәдени-демалыс орталығының директоры Замира Солтанованың айтуынша, командалар ұлттық өнер түрлерінен сайысқа түседі. Олар жеті аталым бойынша мықтыларды анықтайды. Атап айтсақ, дәстүрлі ән, күй, айтыс, терме, ұлттық аспаптар ансамблі, сирек кездесетін көне ұлттық аспаптарда ойнау, қазақтың ұлттық биі сияқты санаттар ұсынылған.

- Жеңімпаз және екінші орын алған командалар қомақты ақшалай сыйлықтарға ие болады. Жүлделерді кейінірек хабарлаймыз. Бүгін біз бірінші жұптарды анықтау үшін жеребе тартамыз, олардың жеңімпаздары екінші айналымға өтеді, - дейді Замира Солтанова.

Жеребе тарту рәсімінің өзі ерекше стильде өтті. Сахнаға қайнаған су құйылған самауыр шығарылып, қатысушылар суды саптыаяқтарға құйып, қайнаған судың әсерінен ыдыс нөмірі бар саптыаяққа айналып, турнир жұбының ретін көрсетті.

Өткен жолы «Өнер додасының» жеңімпазы Успен ауданының өнерпаздары болды. Олар ақтық сында Аққулы ауданындағы әріптестерін ұтты. Байқаудың өзі қараша айында басталып, шамамен бір айға созылады. Финал желтоқсан айында өтеді.