Қазақстанда 2026 жылдың наурыз айына дейін коммуналдық қызметтерді көтеруге мораторий енгізілген, деп хабарлайды @Pavlodarnews.kz тілшісі.

ҚР ҰЭМ табиғи монополияларды реттеу комитеті облыс бойынша департаменті басшысының орынбасары Камилла Байғожанованың айтуынша, ведомство «Павлодар жылу желілері» ЖШС, «Павлодар су арнасы» ЖШС, «ПЭТК» АҚ сияқты ұйымдардан тарифтердің шекті мөлшері осы жылы аяқталатындығы туралы өтініштер алған.

Келер жылдың 1 қаңтарынан бастап «Павлодар жылу желілері» ЖШС тұтынушылар үшін жылу энергиясын беру қызметін төмендетеді: тұрғындар үшін – бір пайыз, бюджеттік ұйымдар үшін – төрт пайыз.

– Табиғи монополия субъектілерінің есептерін талдау барысында шығындар мен инвестициялық бағдарламалардың жалпы сомасы 405 миллион теңге орындалмағаны анықталды. Бұл сома кәсіпорынның кірісінен алынып, тұтынушыға қайтарылады. Ал сумен жабдықтау және су бұру қызметтері бойынша өзгерістер жоспарланбайды, – деді спикер.

Камилла Байғожанова атап өткендей, антимонополиялық орган «Павлодар-Водоканал» ЖШС инвестициялық бағдарламасы мен тариф сметасын бекітуге бас тартқан. Кәсіпорын өз қызметі бойынша тарифті көтеруді құжаттар арқылы растай алмады. Қазіргі уақытта бұл мәселе сотта қаралуда.

31 желтоқсанға дейін «Павлодар-Водоканал» үшін шекті тарифтің мерзімі аяқталады. Келер жылдың қаңтар айында оның төмендеуі мүмкін. Бұл кәсіпорынға сол тариф бойынша қызмет көрсету міндетті, бірақ өз амортизациясы мен пайдасын есептен шығару қажет.