Нейрохирургтерге жоғары технологиялық әдісті көрсетті, деп хабарлайды @Pavlodarnews.kz тілшісі.

Медициналық сақтандыру қорының мәліметінше, кардиологиялық орталығының базасында «Ми қан тамырлары аневризмаларының анатомиялық күрделі түрлеріне арналған қайта бағыттаушы стенттер ағыны» тақырыбында шеберлік сағаты өтті.

Жаңа технологияларды дамыту аясында облыстың және Астана қаласының жас нейрохирургтерімен кардиохирургиялық орталықтың нейрохирург дәрігері Файзулла Смағұлов мен Астана қаласының нейрохирургия орталығының Тамырлы және функционалдық нейрохирургия меңгерушісі Ербол Махамбетов өз білімдерімен бөлісті.

– Аневризманы басқа әдістермен (кең мойын, күрделі тамырлар анатомиясы) жабу немесе ажырату қиын болғанда және басқа араласу түрлері асқыну қаупі жоғары болған кезде анатомиялық күрделі аневризма қарастырылады. Мұндай жағдайларда стент мидың зақымдалған аймағынан ағынды қалыпты жағдайға бағыттай алады, осылайша тамырларға қалыпты қан ағынын қалпына келтіреді, – деп түсіндірді спикерлер.

Шеберлік сағатының аясында 3 науқасқа ота жасалды.

– Үш жылдан бері басым қатты ауырады. Бір күні көшеде есімнен танып қалдым. Мен барлық сынақтардан, магнитті-резонансты томография, компьютерлік томографиядан өттім, содан кейін мені ауруханаға жатқызды. Дәрігерім Файзулла Смағұлов маған ота жасағаннан кейін қазір мен өзімді әлдеқайда жақсы сезінемін. Бұрын басым ауырған кезде маған бәрі әйтеуір өз-өзінен кететін сияқты көрінетін, жай ғана бас ауруы деп ойлайтынмын. Ал тексеріле бастағанда қан тамырларым бір-біріне жабысып қалғандай, қаным дұрыс айналмай жатқанын білдім. Алғашқы операциямды былтыр қарашада, кейін желтоқсанда жасады. Енді мамыр айында маған астаналық дәрігерлер ота жасап, біздің мамандарға шеберлік сабағын өткізді. Өзімді жақсы сезінемін. Ауруханада мені жақсы күтуде, дәрігерлердің барлығы өте мұқият, өз ісінің нағыз шеберлері, – деп 75 жасар Рузия Макаева өз ойымен бөлісті.

Дәрігерлердің айтуынша, бұл жоғары технологиялық әдісті қолдану ауруханаға жатқызу, хирургиялық араласу және анестезия санын азайтуға мүмкіндік береді, осылайша асқыну қаупін азайтады және науқастың сауығу мүмкіндігін береді.

Барлық операциялар емделушілерге медициналық сақтандыру аясында тегін жасалды.