Бұл – баян музыкасына арналған алғашқы жоба. Халықаралық байқаулардың лауреаты Олжас Нұрлановпен Pavlodarnews.kz тілшісі әңгімелесті. 

Музыкант туған қаласында шығармашылық кездесу өткізіп, концерттік бағдарламасын паш етеді. Баян бойынша әлем чемпионаты атағына ие өнерпаз өз аспабының болашағы мен баян музыкасының ерекшеліктері туралы ойымен бөлісті.  

— Баян – бұл әлемдік аспап, оны белгілі бір мәдениетке жатқызу дұрыс емес. Мен гастрольдік сапармен болған елдерде әріптестерім оның қазақ аспабы екеніне сенімді. Ал қытайлық, неміс, итальян музыканттары баянды «өзінікі» деп санайды. Бірақ, ол ешқанда ұлтқа жатпайды. Бұл — өзіндік ерекшелігі бар толыққанды музыкалық аспап, онда кез келген жанрағы шығармаларды орындауға болады: классика, джаз, авторлық музыка, — дейді Олжас Нұрланов. 

2 сәуірде Олжас Нұрланов павлодарлық тыңдармандар алдында өнер көрсетеді. Баяншы бастапқыда шағын концерт ұйымдастыруды жоспарлағанын жасырмады. Бірақ, жерелстерінің қолдауымен музыкалық кеш Естай атындағы мәдениет сарайында өтетін болды. Музыкант жүргізушіден бас тартып, көрермендермен тікелей сөйлесуді жөн көрді.

— Көрермен қауым — менің отбасым. Мен алдын ала дайындалған сценарий бойынша өнер көрсетуден гөрі тыңдармандармен еркін әңгімелесу маңызды болып отыр. Концерттік бағдарламада классикалық шығармалар, авторлық композициялар және джаз туындылары бар, — дейді музыкант.

Шығармашылық кездесуде музыкант тек жеке мансабы туралы ғана емес, баян музыкасын әлемге таныту жөнінде де сөз қозғады. Ол осы мақсатта арнайы подкастты іске қосты.

— PROBayan – баяншыларға арналған әлемдегі алғашқы подкаст. Оны біз Людмила Зыкина атындағы ансамбльдің солисі Тимур Галинуровпен бірге жүргіземіз. Танымал қонақтарды шақырып, аспаптың дамуын, саланың мәселелерін талқылаймыз. Бұл — жай баяншылардың әңгімесі емес біз, музыка әлеміндегі болашағымыз туралы ой қозғаймыз. Кәсіби композиторлар аспапқа арнап шығармалар жазса, ол академиялық сахнаға нық орнығады. Бүгінгі таңда баян скрипка, фортепиано және виолончельмен қатар академиялық деңгейде мойындалған аспаптардың бірі, — дейді ол. 

Айта кетейік, музыкант пианист Николай Кузнецовпен Омбыда концерт өткізуді жоспарлап отыр.