Аталмыш іс-шараға оқушылар мен студенттерден тұратын 15 құрама команда қатысты, деп хабарлайды @Pavlodarnews.kz тілшісі.

Қалалық білім беру бөлімінің мәліметінше, «Самғау» балалар шығармашылығы орталығында Жастар бастамаларын дамыту орталығымен бірлескен «Сәтбаев ізбасарлары» жобасы аясында «Smart Екібастұз: ЖИ-туризм, экология мен қалалық басқаруды дамытуға арналған шешімдер» тақырыбында хакатон ұйымдастырылды.

– Хакатон – бұл бағдарламашылар марафоны, онда қатысушылар шектеулі уақыт ішінде нақты тапсырмалар үшін шешімдер әзірлейді, – дейді ұйымдастырушылар. 

Бірінші күні командалар бағыты анықталып, цифрлық өнімді құра бастады:

Fire Step: туристерге арналған қаладағы іс-шаралар, оқиғалар және қызықты орындар туралы ақпарат беретін чат-бот әзірлеу.

Қылыш: сенбіліктер мен экологиялық акцияларды ұйымдастыруға арналған онлайн платформаны құру.

TwixCode: біріктірілген картасы бар қалалық оқиғаларды басқару жүйесін әзірлеу.

Vagabond: орындар, маршруттар және ұсыныстар туралы ақпарат беретін ChatGPT интеграциясы бар туристік қосымша әзірлеу.

JuniorCode, Ctrl Elite: қала инфрақұрылымын жақсарту бойынша тұрғындардан ұсыныстар жинауға арналған платформаны әзірлеу.

Тұмар, Billion Team: туристер арасында ұсыныстар алмасуға арналған платформаны құру.

Fire First: туристерге арналған қаладағы іс-шаралар мен қызықты орындар туралы ақпарат беретін чат-бот әзірлеу.

Құзыретті қазылар алқасы құрамындағы білім беру басқармасы ақпараттық технологиялар орталығының басшысы, Pavlodar Hub төрағалары жобаның ресімделу сапасын (макет, интерфейс, функционалдылық, жұмыс істейтін қызмет/веб-қосымша), тәсілдер мен табылған шешімдердің бірегейлігі, сондай-ақ жобаның әлеуетін іске асыруды бағалады.

Хакатон қорытындысы бойынша бірінші орынды №23 ЖОМ «Giga Absolutely» командасы иеленді. Команда 100 мың теңге бас жүлдені және Қ. Сәтбаев атындағы ЕИТИ-ге оқуға 20% жеңілдікті иеленді. Екінші орынды №7 МГ «Гигабиты» командасы 60 мың теңге ұтып алды. Үшінші орынға №24 МГ «Fire Step» командасы 40 мың теңге жүлдеге ие болды.

Барлық қатысушыларға сертификаттар табысталды.