Балалар мен жасөспірімдер арасындағы чемпионат таэквондоның GTF түрі бойынша өтті, деп хабарлайды @Pavlodarnews.kz тілшісі.

Бұл туралы Павлодардағы таэквондодан «Қаһарман» мектебі мәлім етті. 

Шымкент қаласында өткен чемпионатта спортшылар жарыстың «хъёнги» және «массоги» бағыттары бойынша жекелей сынға түсті. Сондай-ақ чемпионат аясында Шымкент қаласының «GRAND PRIX SHYMKENT 2023» ашық турнирі өтті. 

- Павлодар облысынан 17 спортшы күш сынады. Нәтижесінде қоржынға 7 алтын, 8 күміс, 8 қола медаль салды, - деді мектепте. 

Екікүндік жарыстың қорытындысы бойынша командалық есепте Павлодар облысы үшінші орын үшін Кубокпен марапатталды. 

Айта кетейік, аталған жарысқа еліміздің барлық өңірлерінен 1300-ден астам спортшы қатысты. 

Фото: @pavlodar_gtf_taekwondo