Бес дүркін Қазақстан чемпиондары қазіргі уақытта Түркияның Белек қаласындағы оқу-жаттығу жиынында, деп хабарлайды @Pavlodarnews.kz тілшісі.

Павлодар командасын бауырлас түрік елі нөсер жаңбырмен қарсы алды, бұл команданы спорт залы мен жүгіру жаттығуларына көбірек назар аударуға мәжбүр етті.

Бас бапкер Кирилл Альшевский қақпашылар Мадияр Төлеубек, Мирас Рихард және Даниил Ефременконы, сондай-ақ алаң ойыншылары Бақтияр Төлеуов, Даниил Нырков, Артем Попов, Әділет Үсенов, Вячеслав Раскатов, Жаслан Қайыркенов, Ибрагим Фард, Вячеслав Климович, Годфри Биток, Данила Нечаев, Павел Седко, Вячеслав Швырев, Максим Федин, Тамерлан Ағыманов және Арман Смайыловты оқу-жаттығу жиынына алды.

Айта кету керек, Ибрагим Фард, Вячеслав Климович, Годфри Биток, Данила Нечаев және Павел Седко – қазіргі команда бапкерінің туған жері Беларусьте ойнаған ойыншылар.

Сонымен қатар, Павлодар командасында «Қайрат» академиясының түлегі және Қарағанды облысының Ағадыр ауылының тумасы Вячеслав Швырев те бар. Еңбекқор әрі қайсар шабуылшының мансабы әзірше алға баспай жүр: туған клубынан кеткеннен кейін ол ешбір командада ұзақ тұрақтай алмады.

Команданың Түркиядағы оқу-жаттығу жиыны 26 ақпанға дейін жалғасады.