ҚХР делегациясының облысқа сапары аясында келіссөздер жүргізілді, деп хабарлайды @Pavlodarnews.kz тілшісі.

Делегация құрамында компания директоры және кәсіптік білім беру альянсының өкілі Сюэ Мин, институт директоры Конфуций Ян Ли және институт педагогі Конфуций Чжу Цуй Мэй бар.

Павлодар ақпараттық технологиялар колледжі базасында ERG корпорациясы, Павлодар облысы колледжінің альянсы, өңірлік білім беру басқармасы және ҚХР кәсіптік білім беру альянсы арасында төртжақты меморандумға қол қойылды. Келіссөздерде студенттермен алмасу және шетелдік тағылымдамалар қарастырылған. Сонымен қатар,  қытай тарапы аймағымыздағы студенттерге қонақ үй менеджменті бойынша оқу грантын ұсынады.

Қонақтар өңірдің оқу орындарымен және колледждің материалдық-техникалық базасымен танысты. Сапардың алғашқы күні делегация Павлодар технологиялық колледжі мен Павлодар техникалық сервис колледжін қарап шықты.

Сонымен қатар Торайғыров университетінде өткен «Инновациялық білім беру бағдарламалары: технологиялық форсайт, адам әлеуетін озық дамыту, өңірлердің қажеттіліктеріне жедел әрекет ету» семинар-тренингіне қатысты. Ақсу қара металлургия колледжінде 23 жасқа дейінгі студенттер мен кәсіпорынның жас қызметкерлері арасында өткен ERG-Skills кәсіби шеберлік конкурсына қатысты, Қазақстандық электролиз зауытына барды.

Биыл колледждер альянсы аясында ERG Skills кәсіби шеберлік конкурсы мен «Үздік педагог» конкурсын өткізу жоспарланған. Жүлдегерлердің барлығы ERG компаниясының есебінен Қытай елінде халықаралық тағылымдамадан өту мүмкіндігіне ие болады.

Айта кетерлігі, 2017 жылдың 4 маусымында Шэньси провинциясында қытайлық «Бір белес, бір жол» Қытай Альянсы ашылған болатын. Жеті жыл ішінде бұл Альянс өз елінің және шетелдің де көптеген университеттері, өнәркәсіп кәсіпорындары мен оқу орындарында таныла білді. Альянс құрамына 10 ел мен өңірлердегі 70-тен астам оқу орны мен салалық кәсіпорындар кірді.