Ақсуда өрт сөндірушілер бір адамды жалыннан құтқарды
Өрттің себебі анықталуда, деп хабарлайды @Pavlodarnews.kz тілшісі.
Облыстық төтенше жағдайлар департаментінің мәліметінше, тоғыз қабатты тұрғын үйдің бесінші қабатындағы пәтерде өрт шыққан.
– Оқиға орнына жедел жеткен өрт сөндірушілер жанып жатқан пәтердің кіреберісінде адамды байқап, қауіпсіз жерге шығарды. Құтқарушылардың үйлесімді жұмысының арқасында өрт одан әрі таралмай, 20 шаршы метр аумақта сөндірілді, – делінген хабарламада.
Зардап шеккендер жоқ.
