4 маусым елімізде Мемлекеттік рәміздер күні аталып өтеді, деп хабарлайды  @Pavlodarnews.kz тілшісі.  

Айтулы мерекемен өңір тұрғындарын облыс әкімі Асайын Байханов құттықтады. 

– 1992 жылдың 4 маусымында біздің тарихымызды, мәдениетімізді және өркендеуге деген ұмтылысымызды бейнелейтін тәуелсіз Қазақстанның қастерлі рәміздері - Мемлекеттік ту, Елтаңба және Әнұран бекітілді. Бұл құндылықтар еліміздің барша азаматтарын біріктіріп, отансүйгіштік пен зор мақтаныш сезімін ұялатады, – деп жазды аймақ басшысы Іnstagram парақшасында. 

Рәміздер біздің өміріміздің маңызды сәттерінде – салтанатты іс-шараларда, спорттық жеңістерде, мемлекеттік рәсімдерде сүйемелдейді. Олар  – жаңа жетістіктерге жетелейтін күш пен шабыт көзі.

Облыс әкімі тәуелсіз еліміздің көк байрағы әрдайым биікте желбірей беруін, ал әрбір үйде бейбітшілік пен келісім орнауын тіледі.