Ауданда шамамен 27 мың адам тұрады, деп хабарлайды @Pavlodarnews.kz тілшісі.

1928 жылы бұрынғы уездің болыстарынан құрылған Павлодар ауданына 95 жыл толды.  

– Қадірлі жерлестер, еңбектеріңіз, туған өлкеге деген шексіз махаббаттарыңыз бен адалдықтарыңыз үшін рахмет. Ауданның әрбір тұрғынына мықты денсаулық, отбасына амандық, табыс, жаңа жеңістер мен биік жетістіктер тілеймін! Мерейтой құтты болсын! – деп жазды Асайын Байханов Іnstagram парақшасында.

Сондай-ақ аймақ басшысы ауданның дамуы жолында өздерінің күш-қуаты мен жастық шақтарын сарп еткен ардагерлерге ерекше алғыс білдірді. 

– Павлодар ауданы Коряковка көлімен, Черноярка көкөністерімен, Кемеңгер ауылындағы тәжірибелі станциясымен танымал.  Алайда, ауданның басты байлығы – оның тұрғындары, – деп атап өтті облыс әкімі. 

Бүгінде аудан облыс орталығының азық-түлік белдеуі ретінде қарқынды дамып келеді және ауыл шаруашылығы өнімінің жалпы көлемі бойынша көш бастап тұр. 

Посмотреть эту публикацию в Instagram

Публикация от Байханов Асаин (@asaiyn.baikhan)