Бұл балалардың қатысуымен болатын жол-көлік оқиғаларының азаюына үміт береді, деп хабарлайды @Pavlodarnews.kz тілшісі.

Облыстық ішкі саясат басқармасы баспасөз қызметінің мәліметінше, бүгін орталық жағалауда жол-көлік жарақатының алдын алуға бағытталған «Тәртіпті жаяу жүргінші» ойыны өтті. Шараға қала мектептерінің оқушылары қатысып, жол қозғалысы ережелерін білу бойынша сайысқа түсіп, спорттық шеберліктерін көрсетті.

Іс-шара үш кезеңнен тұрды:

1. Жол қозғалысы ережелері бойынша викторина. Онда мектеп оқушылары теория бойынша тамаша білімдерін көрсетті;
2. Жол қозғалысы ережелерінің элементтері бар спорттық эстафета. Оның барысында қатысушылар ептілік пен реакция жылдамдығын көрсетті;
3. Жағдаяттық тапсырмаларды шешумен блиц-турнир. Бұл балалардың әдеттен тыс жол жағдайларында дұрыс шешім қабылдау қабілетін тексеруге мүмкіндік берді.

– Бүгінгі ойын мектеп оқушыларының жол қозғалысы ережелерін жақсы меңгергенін және оны іс жүзінде қолдана алатынын көрсетті. Балалардың тек теориялық жағынан жақсы дайындалып қана қоймай, өзгермелі жағдайларға тез жауап беруге қабілетті екенін байқаймыз, – деп бөлісті сараптама комиссиясының мүшелері.

Олардың айтуынша, мұндай іс-шараларды өткізу балалардың жол қауіпсіздігіне дұрыс көзқарасын қалыптастыру үшін өте маңызды. Жол жүру ережелерін және төтенше жағдайларда қалай әрекет ету керектігін білу – өмірді сақтай алатын дағдылар. Осындай іс-шаралар бұл дағдыларды нығайтуға және балалардың жолда тәртіпті және мұқият болуына көмектеседі.