2025 жылы «Жаңа мамандықтар атласы» жобасы жаряланды, деп хабарлайды @Pavlodarnews.kz тілшісі.

Колледж ел Президенті жариялаған «Жұмысшы мамандықтар жылы» аясында ауқымды стратегия әзірлеген. Биыл оқуға түсуге дайындалған жоғары сынып оқушылары үшін тиімді жобалар жоспарлады.

–    Мектеп оқушылары үшін қаладағы ірі кәсіпорындарға экскурсиялар ұйымдастырылуда және біздің колледж базасындағы алғашқы жұмысшы мамандығына ие болады, – деп жариялады колледждің меңгерушісі Алма Айтуарова Instagram парақшасында.

Меңгерушінің айтуынша, колледжде «Junior Skills» кәсіби шеберлік байқауы хореография және слесарь құзыреттер бойынша өтеді. Бизнес өкілдерінің қатысуымен ашық есік күндері мен бос жұмыс орындар жәрмеңкелері жұмыс істейді. Жұмысшы мамандықтар саласындағы студенттер жылына арналған түркітілдес елдердің өкілдерімен кәсіби шеберлік чемпионатына қатысады. Облыстық «World Skills» чемпионаты аясында студенттер мен кәсіпорындардың жас мамандар арасында сегіз құзырет бойынша кәсіби шеберлік сайыстары өтеді.

–   Жыл бойы бірқатар меморандумға қол қою арқылы шетелдік колледждермен халықаралық серіктестікті дамытамыз, – дейді ол.

Меңгерушінің мәлімдеуінше, ERG есебінен материалдық-техникалық базаны жаңартуды және нығайтуды жоспарлап отыр. Жұмыс күші көп аймақтарда «Серпін» бағдарламасы аясында кәсіптік бағдар беру жұмыстары жалғасады. Кадрларды мақсатты мемлекеттік тапсырыс бойынша, яғни кәсіпорындар өтінім берген мамандықтар бойынша дайындайды.

Оқытушылар мен өндірістік оқыту шеберлері үшін еліміздегі және шетелдегі кәсіпорындарда жаңа тағылымдамалар жоспарлануда. Дуалды оқытумен 150-ден астам оқушы қамтылады. Колледжде Инновация және кәсіпкерлік орталығы ашылады.

Оқушылары «ТОП-100 студент» байқауына қатысады. Оқу орнында «Жұмысшы мамандықтар» аллеясы ашылады. Колледжде жұмыс берушілердің қатысуымен «Менің отбасым әулеті» ток-шоуы өтеді. 50 адамға дейін маусымдық жұмысқа орналастыруды ұйымдастырумен «Жасыл ел» жастар еңбек жасақтары белсенді жұмыс істейді.