Енді тұтынушылар «Теплосервис-Ақсу» КМК-мен жаңа шарт жасасуы қажет, деп хабарлайды @Pavlodarnews.kz тілшісі.

ҚР «Жылу энергетикасы туралы» Заңының талаптарына сәйкес, 1 шілдеден бастап Ақсу қаласында жылу энергиясын тарату қызметін «Теплосервис-Ақсу» коммуналдық мемлекеттік кәсіпорны атқаратын болды.

–   Қазақстан Республикасы Азаматтық кодексінің 404-бабына сәйкес, осы күннен бастап «Қазхром» ТҰК» АҚ-пен жасалған барлық қолданыстағы жылумен жабдықтау шарттары мен міндеттемелер тоқтатылды, –  деді Ақсу қаласының әкімдігінде.

Тұтынушылары «Теплосервис-Ақсу» КМК-мен жаңа шарт жасасуға бару қажет. Кәсіпорынның мекенжайы: Әуезов көшесі, 44. Анықтама телефоны: 6-04-07.

Сонымен қатар, мекеме өз тұтынушыларын teploaksu.kz сайтында жылу энергиясын өткізу қызметтеріне арналған үлгілік шарттың жарияланғаны туралы хабардар етеді.