Олар игі бастаманы елордалық жастарға жолдады, деп хабарлайды @Pavlodarnews.kz.

Баянауыл жастар орталығының мәліметінше, «Таза Қазақстан» республикалық экологиялық акциясының «Киелі мекен» апталығы аясында Жасыбай батырдың бейітінде сенбілік өтті. Белсенді жастар ол жерде тазалық жұмыстарын жүргізіп, қоқыс шығарды.

– Қоршаған ортаның тазалығына жауапкершілікпен қарау, туған жерді таза ұстау әрбіріміздің басты міндетіміз. Аталмыш бастаманы жалғастыру үшін эстафетаны Астана қаласының Жастар орталығына жолдаймыз,– деді орталықта. 

Еске сала кетейік, барлық елді мекендерде тазалық айлығы бастау алды. «Таза Қазақстан» республикалық экологиялық науқан аясында өңірде арнайы жоспар әзірленген болатын. Оған сәйкес тазалық айлығындағы әр апта белгілі бір тақырыпта өтеді.