Депутаттар ақсулық кәсіпкерлердің шағымдарына құлақ асты
Фермерлер жер мәселесін көтерді, деп хабарлайды @Pavlodarnews.kz тілшісі.
Облыстық кәсіпкерлер палатасы баспасөз қызметінің мәліметінше, Ребровка ауылында «Жер Аманаты» комиссиясы мен кәсіпкерлер Палатасының өкілдері фермерлермен кездесті. Парламент Мәжілісінің депутаты, комиссия төрағасының орынбасары Бақытжан Базарбек және жер ресурстарын басқару комитетінің төрағасы Мұрат Теміржанов олармен жер пайдаланудың өзекті мәселелерін талқылады.
Талқылаудың басты тақырыбы сүт өндірісін дамытуға сегіз миллиард теңгеден астам қаржы салған «Кронос-ПВ» ЖШС проблемасы болды және сот шешіміне байланысты жерді жоғалту қаупі төнді. Бақытжан Базарбек бұл жер учаскесін бөлу кезінде жер заңнамасын бұзған жергілікті мемлекеттік қызметшілердің заңсыз әрекеттерінің нәтижесі екенін атап өтті.
– Бұл – ақылға сыймайтын жағдай. Қазір инвесторларды тіпті қалаларға тарту қиын, бірақ мұнда нағыз инвестор ауылға келеді, несие алып, инфрақұрылым салады, жұмыс орындарын ашады – бәрінен айырылып қалу қаупі бар, – деді мәжілісмен.
Ол кінәлілерді қылмыстық жауапкершілікке тартуға ниетті екенін атап өтті.
Аграршылармен кездесуде қалыптасқан жағдайдан шығудың ықтимал жолдары, оның ішінде жер учаскелерінің шекараларын түзету және қоғамдық тыңдаулар өткізу мәселелері көтерілді.
«AMANAT» партиясының Ақсу қалалық филиалында комиссия мүшелері құқықтары бұзылған 72 шаруа қожалығының мәселелерін талқылады. Жалпы ауданы 27 770 гектар жерді фермерлерден олардың мал жаюға арналған мақсаттары туралы ескірген мәліметтерге байланысты алып қоюға болады. Бұған дейін олардың мәселелері Павлодар облысының кәсіпкерлер Палатасының алаңында (оның ішінде агроөнеркәсіптік кешеннің салалық кеңесінің отырыстарында) «Атамекен» ӨКП директоры Ерқанат Әбеновтың төрағалығымен бірнеше рет талқыланған болатын.
– Бұл жағдай шенеуніктердің немқұрайлылығынан ондаған адал кәсіпкерлердің құқықтары бұзылатынын айқын көрсетеді, – деді Бақытжан Базарбек.
Халық қалаулысы жағдайды ерекше бақылауға алатынын және оны Бас прокуратура өкілдерінің қатысуымен өткен мәжілісте талқылайтынын атап өтті.
