Оларды 3 түрлі бап бойынша жаза күтіп тұр, деп хабарлайды @Pavlodarnews.kz тілшісі.

Оқиға бейнебақылау камераларына түсіп қалған. Екі әйел ойын алаңындағы орындықта отырып, темекі шегіп, ішімдік ішкен. Олар кеткеннен кейін қоқыс қалдықтары яғни темекі тұқылдары мен бос бөтелкелер сол орында қалған.

– Жеке тұлғалар анықталғаннан кейін құқық бұзушылар ҚР ӘҚБтК – нің баптары бойынша әкімшілік жауапкершілікке тартылады. Қоғамдық орында ішімдік ішкені үшін ҚР ӘҚБтК -нің  440, ұсақ бұзақылық жасағаны үшін  434, қоқыс тастағаны үшін 437 бабына сәйкес жазаланады, - деп хабарлады облыстық полиция департаменті.

Полицейлер аталған екі әйелге іздеу жариялады. Олар айыппұл арқалауы тіпті, он күнге дейін қамауға алынуы мүмкін.

pixabay.com