25 миллион теңгеден астам сомаға берешек өтелді, деп хабарлайды @Pavlodarnews.kz.

Екібастұз қаласының прокуратурасы қарыздарды өндіріп алу және алимент төлеуден әдейі аулақ болған борышкерлерді заңда көзделген жауапкершілікке тарту бойынша мақсатты жұмыс жүргізуде.

Ағымдағы жылы Павлодар облысының кәмелетке толмағандар жөніндегі мамандандырылған соты осындай адамдарға қатысты ҚК-нің 139-бабы («балаларды асырауға қаражат төлеу жөніндегі міндеттерді орындамау») бойынша төрт үкім шығарды.

Бұдан басқа, Екібастұз қалалық соты ӘҚБтК-нің 669-бабы бойынша 17 борышкерді тартты («сот үкімін, сот шешімін немесе өзге де сот актісін және атқару құжатын орындамау»), 25 миллион теңгеден астам сомаға берешек өтелді. Бұл туралы Екібастұз қаласының прокуратурасы мәлім етті.

Жазалаушы сипаттағы шаралардан басқа, қала прокуратурасы алимент төлеуден жалтарған адамдарды ғана емес, сонымен қатар пробация қызметінің есебінде тұрған адамдардың қайтадан құқық бұзушылықтар жасауының алдын алу мақсатында да әлеуметтендіру жұмыстарын жүргізуде.

Жыл басынан бері 5 сотталушы тұрақты жұмыс орындарына орналастырылды, 43 бас бостандығынан айыру орындарынан босатылған адамдар үшін біржолғы төлем алды.