Оқиға орнына жедел жәрдем шақырылды, деп хабарлайды @Pavlodarnews.kz.

Павлодарлық жедел құтқару жасағының мәліметінше, 25 қыркүйекте сағат 20:05-те «112» диспетчерінен зейнеткер үйінде құлап, өздігінен тұра алмағаны туралы хабарлама келді. 

– Ол көршілеріне құлағанын айтып, есікті аша алмайтынын телефон арқылы жеткізген. Екібастұздық құтқарушылар оқиға орнына келген кезде есікті арнайы құралдармен ашты. Қарт әйел пәтердің кіреберісінде жатқан,- делінген хабарламада. 

Кейіннен құтқарушылар зейнеткерді «103» қызметкерлеріне тапсырып, жедел жәрдем көлігіне дейін тасымалдауға көмектесті.