Зардап шеккендер жоқ, деп хабарлайды @Pavlodarnews.kz тілшісі.

Төтенше жағдайлар департаментінің мәліметінше, Екібастұз қаласы Мәшһүр Жүсіп көшесінде екі қабатты сауда үйінде өрт шықты. Жалын жиһазға, сауда жабдықтарына, заттарға және қабырғаларға зақым келтіріп, 200 шаршы метр аумақты қамтыды.

Өрт сөндірушілер сауда үйіндегі өртті жойып, оның таралуына жол бермеді. 

– Ғимаратта ешкім болмағандықтан, эвакуация жүргізілген жоқ. Өрттің себебі анықталуда, – дейді департаментте.

ТЖМ өрт қауіпсіздігі ережелерін қатаң сақтау қажеттігін еске салады.