Оған жылу беру параметрлерінің сақталмауы себеп болды, деп хабарлайды @Pavlodarnews.kz тілшісі.

«Екібастұзжылуоэнерго» ЖШС мәліметінше, қаланы жылумен жабдықтаудың температуралық кестесін сақтамауға байланысты 2023 жылғы ақпан айында Екібастұз қаласының тұрғындарына жылумен қамту қызметтері үшін нақты төлемақы есептеулерінің 70% есептен шығарылады.

– Қазіргі уақытта мамандар қаланың магистральдік және орамішілік желілерінде температуралық параметрлерді қалпына келтіруге байланысты реттеу жұмыстарын жүргізуде, – делінген хабарламада.

Сонымен қатар, жылу энергиясы бойынша мерзімі өткен дебиторлық берешегі бар барлық тұтынушыларға айыппұл салынбайды.