Команда Қазақстан Премьер-лигасында қалу жолындағы маңызды үш ұпайға ие болды, деп хабарлайды @Pavlodarnews.kz тілшісі.

Екі команда үшін де бұл кездесу турнирлік тұрғыдан аса маңызды еді. Жеңіс кез келген команданың жағдайын жақсартатын. Алайда үш ұпайға бір ғана ұжым ие болуы тиіс еді. Бұл жолы жеңіс «Ертіске» бұйырды. Павлодарлықтар есепті күтпеген жерден тез ашты. Қорғаушылардың өрескел рикошетінен кейін доп Юши Шимамура есеп ашты — 1:0. Бұл голдан кейін онсыз да аса жарқын ойын көрсетпеген «Алтайдың» қарқыны одан әрі бәсеңдеді.

Алайда алаңға қосалқы құрамнан шыққан Елисей Горшунов ойынға серпін берді. Ол шабуылды күшейтіп, серіктестерін қауіпті пастармен қамтамасыз етіп отырды. Бір сәтте оның алыстан жасаған добын Сэйфа Попов басымен қақпаға бағыттап, есепті теңестірді — 1:1. Дегенмен «Ертіс» көп ұзамай қайта алға шықты. Алыстан лақтырылған доп кезекті рикошеттен кейін Руслан Юденковке қарай бағытталды. Қорғаушы допты басымен қақпаға жіберіп, павлодарлықтарды қайтадан алға шығарды — 2:1.

Екінші таймда да алаң ортасындағы тартыс басым болды. «Ертіс» ойын қарқынын шебер бәсеңдетіп, қарсыласына қауіпті шабуыл ұйымдастыруға мүмкіндік бермеді. Кездесу павлодарлықтардың 2:1 есебіндегі жеңісімен аяқталды. Осы жеңістен кейін «Ертістің» еншісінде 26 ұпай бар. Енді чемпионат ұлттық құрамалардың матчтарына байланысты үзіліске шығады. Үзілістен кейін павлодарлықтар 10 қазанда өз алаңында «Қызылжарды» қабылдайды.