Бұл орман күзетін жеңілдетуге көмектеседі, деп хабарлайды @Pavlodarnews.kz тілшісі.

«Ертіс орманы» мемлекеттік орман табиғи резерваты баспасөз қызметінің мәліметінше, ормандар мен жануарлар дүниесін қорғау жөніндегі міндеттерді жеңілдету үшін биыл табиғи резерватқа ұшқышсыз ұшатын аппарат алынды.

– Бүгін Павлодар ТЖД маманы азаматтық қорғау капитаны резерват қызметкерлеріне дрондарды пайдалану бойынша оқыту жүргізді, – деді резерватта.

Дронның көмегімен ерекше қорғалатын табиғи аумақтардың жерлерін патрульдеу және заңсыз ағаш кесудің, мемлекеттік орман қорында заңсыз құрылыс салудың, өрттің алдын алу, жануарлар есебін жүргізу жұмыстары жүргізіледі.