Кенжекөлде суға батып кеткен жігіттің денесі табылды
Іздестіру жұмыстары үш күн жалғасқан, деп хабарлайды @Pavlodarnews.kz тілшісі.
Облыстық ТЖД баспасөз қызметінің мәліметінше, 13 маусымда сағат 12:50-де оқиға орнынан 12 шақырым жерде 1999 жылы туған суға кеткен жігіттің денесін туыстары тапты.
ТЖД құтқарушылары оның денесін судан шығаруға көмек етті.
Еске сала кетейік, 10 маусымда сағат 14:30-да Ертіс өзенінде шомылу кезінде 1999 жылы туған жігіт суға батып кеткені туралы хабарлама түскен болатын. Ол шомылуға жабдықталмаған жерде суға түскен еді.
