Полицейлер ұрылар авто жүргізушілердің немқұрайлығын қалай пайдаланатынын айтты, деп хабарлайды @Pavlodarnews.kz.

Жаздың басталуымен жүргізушілер қандай да бір жұмыспен сыртқа шығар алдында көліктерінің терезелерін жабуды ұмытып кетеді. Бұл көлік салоннан заттарды ұрлауға, сондай-ақ, көлік құралдарын ұрлауға себеп болады.

Мұндай фактілерге жол бермеу мақсатында тәртіп сақшылары қараусыз қалған көлік құралдарын анықтау бойынша аулаларды тұрақты негізде пысықтауда. 

– Тек жыл басынан бері аулаларды пысықтау кезінде полиция қызметкерлері терезелері, есіктері және багаж бөлімдері ашық 2125 автокөлікті тапты, оны автокөлік ұрылары пайдаланды, – деді облыстық полиция департаменті баспасөз қызметінде. 

Мысалы, Mersedes Benz жүргізушісі полицияға хабарласып, белгісіз адам көлік ұрлағанын айтты. 

– Мен пиццерияға бір минутқа кіріп шықтым, көліктің есігін ашық қалдырдым, кілттер тұтану тетігінде болды. Басқа жағдайда, павлодарлықтан Фольксваген Пассат маркалы автокөлігін ұрлады. Бұл көлікте есіктер ашық, дабыл берілмеген, ал қосалқы кілттер салонда болған.  Сондай-ақ, жедел басқару орталығының «102» операторының пультіне ГАЗель жүргізушісі жүгінді. Ол дүкендердің бірінің жанында  жүк көлігінің салонынан ұялы телефон ұрланғанын айтты, – деді департаментте.

Автокөлік иелері өз мүлкінің сақталуына, олардың қауіпсіздігіне жауапкершілікпен қарайтын болса, ұрлықтар мен айдап кету жағдайлары азаяды. Полицейлер жүргізушілерге көліктерін қысқа уақытқа қалдырса да, көліктерді жабу керектігін ескертеді. 

– Бағалы заттарды салондағы көзге көрінетін орындарға қоймай, өзіңізбен бірге алып жүрген дұрыс. Көлікті тұрғын үйлердің аулаларында, гараждар мен күзетілетін автотұрақтардан тыс ұзақ тұруға қалдыру ұсынылмайды. Қосымша қорғауды күзет дабылы қамтамасыз етеді, – деп атап өтті департаментте.

Егер сіз қылмыстың куәсі болсаңыз, бұл туралы дереу полицияға хабарлауыңыз керек: көмекке неғұрлым тезірек жүгінсеңіз, мүлікті қайтару ықтималдығы соғұрлым жоғары болады.